مراكش.. گارديان هرس طوموبيل وحاول يهرب وهو مصفد

فالساعات الأولى من صباح اليوم الجمعة، فرقة الدراجين التابعة للمنطقة الأمنية الأولى جيليز بمراكش شدات حارس سيارات (گارديان) كان فوضعية غير طبيعية.

حسب مصادر محلية، الگارديان دخل فشنآن مع “فيدور” ديال مطعم مزاج بحي جيليز، وسبب فحالة ديال الفوضى قدام المطعم، الشي اللي خلا البوليس يتدخلو ويصفدوه.

لكن المفاجأة كانت منين هرس زجاج ديال طوموبيل مركونة فالزنقة، وحاول يهرب وهو مصفد اليدين، لكن اليقظة ديال فرقة الدراجين كانت بالمرصاد ووقفوه فالبلاصة.

تم اقتياده لمقر الدائرة الأمنية، ودارو ليه محضر توقيف، وتحت الحراسة النظرية كيتسنا التحقيق، قبل ما يتعرض على النيابة العامة فابتدائية مراكش.